Logos Multilingual Portal

Select Language



[ No Biography for this Author ]

a n sån brîSa asè Zåuven par savair incôsa
a n stèr mâi a dèr däl spiegaziån. In tótt i chèS, i tû amîg i n san csa fèrsen e i tû nemîg i n i cardràn mâi
a pòs supurtèr la fôrza bîstia, mo la raSån bîstia l’é pròpi insupurtâbil
a stémm chi òmen ch\'i an pió d stant\'ân: i òfren sänper na devoziån ch\'la dûra una vétta
a st\'månnd ai é såul dåu tragêdi. La prémma l\'é d an utgnîr brîSa quall ch\'as vôl, la secånnda l\'é d utgnîrel
ai é dåu clâs d òmen - i galantòmen e i bagâi – e la diviSiån l’é fâta dai bagâi
ai é quèl ed trâgic int al fât che, apanna che l òmen al strulghé una mâchina bôna ed fèr al sô lavurîr, al taché a padîr la fâm
ai è un frâc ed quî ch’a ficarénn vî, s’a n avéssen bSa pòra che chi èter i pséssen tôri só
ai ò di gósst fâzil. Am cuntänt sänper còl méi
al dé d incû, i Zûven i cràdden che i quatrén i séppen incôsa e, da vîc’, i s adaràn ch’l é prôpri acsé
al dvair l é quall che ón al s aspèta da chi èter
al lavurîr l é l arfûg? ed chi an à ngåtta d méi da fèr
al månnd ai é såul un quèl pîz ed quand Zänt i dscårrn ed té, e l é quand la Zänt i n dscårren brîSa ed té
al pesiméssta l é ón che s’al pôl dlîZer tra dû mèl ai tôl tótt e dû
al segrêt dla felizitè l è dèrla vénta al tentaziån
am pièS da mât i parté puléttic. I én i ónnic sît ch\'ai séppa avanzè in duv la Zänt i n dscårren brîSa ed puléttica
am pièS ed dscårrer. Spassi vôlt a dscårr mîg, giósst par stèrum da sénter. Däl vôt a sån acsé inteligiänt, ch\'a n sån bån gnanca mé ed capîr cus ai ò détt
an biSåggna brîSa fèr di pulintén, quand as à däl bôni chèrt
an é brîSa che l amåur al séppa ôrb mo l é prèSbit: defâti ló al tâca a vàdder i difèt ed man in man ch’al se Sluntèna
an i é gninta al månnd ch’s arvîSa al’afeziån d una mujêr. L é un quèl che un ômen spuSè an i pâsa gnanc pr al zócc
avän d\'èser mudèst, e tgnîrs in amänt che chi èter i én pió trésst che nuèter
cäl dòn äl s vôlen bän pr äl nòstri magâgn. S\'a in avän asè, äl s pardåNnen incôsa, anc al nòster capéss da Zigànt
chi é che, s\'i i vôlen bän, l é puvràtt?
däl vôlt a psän anc canpèr par di ân sänza vîver par gnînta e pó dåpp, tótt in un mumänt, tótta la nôstra vétta la s ardûS int un mumänt
ed sòlit a dégg sänper quall ch’a päns da bån. Mo al dé d incû l é un eråur ed chi grûs, parché as và arîSg d èser melintîS
i én tótt bón ed senpatiZèr con un guâi d un amîg, mo såul un ânim nôbil l é bån ed senpatiZèr col suzès d un amîg
i fât inpurtànt dal månnd, i câpiten int al zarvèl
incôsa l é priglåuS. Mo s\'an fóss mégga acsé, an varêv brîSa la panna ed stèr al månnd
infén a che la guèra la srà cunsiderè un quèl brótt, l\'andarà d lóng a atirèr la Zänt. Quand la srà tgnó cme un quèl vulghèr, la dSmitrà d èser populèr
int äl partîd dimónndi inpurtanti, al stîl, e brîSa la sinzeritè, l é l quèl pió eSenzièl
l é pròpri parché l\'umanitè la n savêva brîSa in duv la s fóss drî a andèr, ch\'l\'é arivè d åura ed catèr la sô strè
l é un quèl terébbil che la Zänt, al dé d incû, i s vâghen in gîr a dîres drî di quî ch\'i én pròpri vaira
l egoîSum an é brîSa vîver cum as pèr a nó, mo pretànnder che chi èter i vîven cum as pèr a nuèter
l òmen l é una bîstia razionèl, ch\'la pêrd la lómm di ûc\' quand l\'à da cunpurtères secånnd quall ch\'ai dîS al capéss
la Zänt i an una curioSitè insaziâbil ed cgnósser incôsa, fòra che äl côs ch’äl mêriten d èser cgnusó
la zigaratta l\'é la fâta parfèta dal gósst parfèt. L\'é un Sguazéin, es la t lâsa insudisfât. Cusa s pôl vlair de pió?
l’educaziån l’é un quèl spetaculåuS, mo l è méi tgnîrs in amänt däl vôlt che gnínta ch’vèla la panna ed cgnósser al pôl èser insgnè
l’ónnica misiån dla clâs di lavuradûr, l’é ed dèr al bån eSänpi
mé int i mirâcuel a n i cradd. A i n ò vésst trûp
parché druvèr däl parôl gròsi? Äl vôlen dîr acsé pôc
pardåNna sänper i tû nemîg. T a n préss fèri vgnîr só i quajón pió d acsé
quand i déi i vôlen dères na puniziån, l’é la vôlta bôna ch’i esaudéssen äl nòstri uraziån
se i t an tirè só pulîd, al dé d incû, l’é una convegnänza dal câz parché t avànz fôra da un mócc’ ed lavurîr
se t vû savair, prôpi da bån, cus’la s vójja dîr una dôna, guèrdla, brîSa stèrla da sénter
solamänt in vatta a di quî ch’i n interèsen a inción as pôl dèr un’upignån sänza pregiudézzi e l’é par quasst che un’upignån sänza pregiudézzi la n cånta un azidänt
ste stèr in s qualla l é terébbil. A spêr ch’al dûra
t è såul da migliurèr una parsåNna pr arvinèrla
tótti äl vôlt che la Zänt i um dan la raSån, am é d avîS d èsr in Sbâli
upignån póbblica… un tentatîv d urganiZèr l\'ignuranza dla Zänt, e d elevèrla a dignitè ed fôrza fîSica